Лече се спаси по негатива од два гола

Извонредно интересен меч во рамките на Италијанското првенство попладнево одиграа екипите на Лече и Каљари. Гостите беа на прагот на нова победа која им носеше пласман на третото место на табелата но не успеаја да го задржат високото водство од 2-0 и на крајот освоија само бод. 

Натпреварот  беше поместен за денеска поради обилните дождови во Италија и уште на стартот донесе водство на Каљари со гол од пенал што го реализира Жоао Педро.  Дури во 67м гледачите видоа нов погодок кога Наинголан зголеми на 2-0 за гостите.  Но сепак Лече беше упорен и искористи удар од белата точка преку Лападула за да го ублажи водството на Каљари на 1-2.  Овој гол ги мотивира домашните фудбалери и во судиското надополнување  Калдерони  успеа да постигна уште еден гол за конечни 2-2 на оваа средба.