Груби: Дивеење е упадот на 27 април, а не прославата на Шверцери

Дивеење е упадот, тепањето и скандирањето во Собрание на 27 април, а не прослава на навивачи, каде се очекува скандирање, пеење, но не и вандализам и насилство коешто би го осудил во секој момент, вели пратеникот Артан Груби во однос на родененската прослава на навивачката група „Шверцери“ во МНТ, за време на кое била причинета материјална штета. Во изјава за Фокус, тој вели дека не е организатор на настанот, но, како што истакнува, негативните реакции се апсурдни, лицемерни и, според него, претставуваат класична намерна политичка злоупотреба на настан во функција на предизборна пропаганда.

-Театарот му припага на народот, не е вмровски, сдсмовски, па ниту ни на фелата, граден е со наши пари, со парите на граганите, а не со парите на ВМРО, ниту на фелата, и им припага на граганите. 20-годишнината беше одбележена во албанскиот театар пред 10 години со прикажување на документарец, исто како и 30-годишнината во МНТ каде што присуствуваа фудбалски ветерани, тренери, Албанци, Македонци и други, на кои им беа доделени благодарници од страна на организаторите, спонзори, градоначалници… Секоја чест за професионалноста на вработените во театарот каде што се одржуваат безброј различни настани – вели Груби.