Се уредува енетериерот во училиштето во село Црник

Привршуваат градежните активности за реконструкција на ентериерот во подрачното училиште „Ванчо Китанов“ во пехчевското село Црник.
Градоначалничкот на Пехчево, Драган Тренчовски, кој изврши увид во градежните работи, информираше дека со години немало реконструктивни зафати за средување на внатрешниот простор во ова училиште, што според него ќе придонесе за следење на наставата во многу подобри услови за учениците и наставниот кадар.
– До крајот на идната недела очекуваме комплетно да биде завршена реконструкцијата во училиштето во кое се реновирани училниците, а привршува и санацијата на ѕидовите, плафоните и училишниот ходник. Со ова очекуваме да бидат подобрени техничко-просторните услови во кои настава следат шеесетина ученици од селото, истакна Тренчевски.
Како што додаде, Општината и понатаму ќе продолжи да инвестира во подобрување на условите за настава на учениците и наставниот кадар и во останатите училишта.
За оваа намена, од буџетот на деветолетката „Ванчо Китанов“ во соработка со локалната самоуправа, како што информираше директорката Добрилка Јовевска, се издвоени средства во висина од 720 илјади денари.
– Со тие средства се среди внатрешноста на училиштето, се изврши реконструкција и санација на ѕидовите и плафоните на пет училници, реконструиран е ходникот во училиштето, беше извршено поставување на ламинат на ѕидовите, обезбедена е нова пинг понг табла за учениците, поставени се нови табли и набавени училишни реквизити за потребите на учениците во наставата, рече Јовевска.
По реконструкцијата на училиштето, активностите како што додадоа од училиштето „Ванчо Китанов“ ќе продолжат во училишниот двор, каде е планирано хортикултурно уредување со поставување на клупи, канделабри и други пропратни содржини, со средства обезбедени од Декадата и Стратегијата на Роми, преку Акциониот план за Ромите во општина Пехчево.
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
