Еден од повредените работници во Макстил на КАРИЛ, тројца на домашно лекување
Еден од четворицата повредени работници во несреќата што се случи изутрина во фабриката „Макстил“ во Скопје е згрижен на Клиниката за анестезија, реанимација и интензивно лекување КАРИЛ и е во стабилна состојба, а другите тројца се пуштени на домашно лекување. Од истекување течен метал во челичаната избувнал пожар, кој е изгаснат, а на терен постапува Државниот трудов инспекторат, информираа надлежните институции.
-Во СВР Скопје во 07:53 часот е пријавено дека во Комплекс клиники „Мајка Тереза“ се донесени Н.Н.(45), Е.В.(27), С.С.(48), сите од Скопје и Б.М.(35) од скопско, кои се здобиле со повреди на работно место, во „Макстил“. Од четворицата повредени, еден е потешко повреден и е згрижен на КАРИЛ, а другите тројца се пуштени на домашно лекување, информираа за МИА од Министерството за внатрешни работи.
Во гаснењето на пожарот интервенирале 12 пожарникари од Единицата за противпожарна заштита на град Скопје.
– Во седум часот е примена дојава од Макстил за истекување течен метал од челичаната. Интервенирано е со четири возила и 12 пожарникари. Интервенцијата заврши во 8: 40 часот, изјави за МИА командантот на Единицата за противпожарна заштита на град Скопје Владимир Симоновски.
Од МВР истакнуваат дека се преземаат мерки за расчистување на случајот.
Популарно од Македонија
Ново на Сител
-
Во Франција запленети 68 килограми кокаин по оперативни информации од македонската полиција
-
МЗ: Континуитет во снабдувањето со сензори за гликемија, се проширува достапноста на современата терапија за лицата со дијабетес
-
Посебен режим на сообраќај утре во Скопје поради посета на делегација од Косово
-
Велешанец се степал со 79-годишен дедо во угостителски објект во скопски Карпош
-
Скопјанка пријавена за закани кон поранешната шефица, оштетила врата од фирма и истурила запалива течност
-
Истите двајца за пет дена три пати нападнале малолетници во Штип, еден од нападите го снимале со телефон
-
Потрошувачката кошница над 58.000 денари, синдикатите против скратување на празниците
-
Утре дожд и силен ветер, нови врнежи се најавуваат и за викендот
