Општина Аеродром ги избра добитниците на субвенции за велосипеди, инвертери и печки на пелети

Општина Аеродром ги избра добитниците на субвенции за набавка на велосипеди, инвертер-клими и печки на пелети по јавните повици што беа објавени на крајот од септември.

На јавниот повик за набавка на велосипеди се пријавија вкупно 303 жители на Општина Аеродром, од кои 287 беа со уредна документација и ќе добијат средства. За набавка на инвертер-клими, од 42 пријави, условите ги исполнија 19 домаќинства, додека за набавка на печки на пелети субвенции ќе добијат тројца пријавени, а еден не ги исполнил бараните услови.

Во истиот период Општина Аеродром објави и јавен повик за субвенционирање чистење оџаци, но немаше ниту една пријава.

Добитниците на субвенциите ќе бидат писмено известени, а паричните средства ќе им бидат исплатени до крајот на ноември или на почетокот на декември.

Општина Аеродром оваа година за субвенциите издвои вкупно 1.100.000 денари од својот буџет.