Канарски Острови: Извлечени телата на пет мигранти, се трага по уште шест

Службите за итни случаи на шпанските Канарски Острови велат дека ги извлекле телата на пет мигранти од морето и дека ги бараат другите.

Службата на својот профил на „Твитер“ напиша дека мигрантски брод се укотвил во Ланзароте, еден од седумте најголеми острови близу северозападниот брег на Африка.

Официјални лица велат дека четворицата мигранти на чамецот биле згрижени од екипи на Брза помош и се во добра состојба, пренесува АП.

Потрагата по другите продолжува од воздух и од море.

Шпанската приватна новинска агенција „Европа прес“ објави дека можеби имало уште шест лица на чамецот.