Во Делчево продолжуваат активностите од проектот „Социјална отчетност и правно зајакнување“
Невладината организација „КХАМ“ од Делчево започна со спроведување анкети наменети за припадниците на ромската заедница. Активноста, како што информираа од здружението е дел од проектот „Социјална отчетност и правно зајакнување“.
– Прашалникот опфаќа прашања со демографски и социо-економски податоци, пристап до здравствените услуги, квалитет на здравствени услуги и дискриминација во здравствената заштита. Исто така со анкетите се утврдува здравствената состојба, услугите кои ги нудат граѓанските организации, почитување на правата на пациентите, а воедно има посебен дел на прашања посветени на здравјето на жените и децата од ромската заедница, соопштија од НВО „КХАМ“.
Освен во Делчево, овој прашалник додаваат, ќе го пополнува и ромската популација од Виница и Пехчево.
– По завршувањето на активностите во Делчево, анкетните листови во наредниот период ќе бидат пополнети и од страна на Ромите кои живеат во Пехчево, село Црник и Виница. Како активност во склоп на проектот „Социјална отчетност и правно зајакнување“ очекуваме од добиените одговори да добиеме реален приказ за предизвиците на секое семејство, но и на ромската заедница воопшто во регионот, додадоа од „КХАМ“ Делчево.
Проектот „Социјална отчетност и правно зајакнување“ е финансиски поддржан од ФООМ, со период на имплементација јули 2018 – јуни 2020 година. Меѓу главните цели на проектот е подобрувањето на здравјето на децата, со посебен фокус на одржување на позитивна стапка (95%) на имунизирани ромски деца од 0-15 години во Делчево, Виница и Пехчево.
Ново на Сител
-
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
-
Сиљановска Давкова на прием кај Бајден
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник