Четвртфинале за Надал во Париз

Рафаел Надал му се приклучи на Новак Ѓоковиќ и Стефанос Циципас како трет тенисер со 50 победи во 2019 година, откако со 6:4/6:4 го совлада Стен Вавринка во едностраниот меч во Берси, за да се пласира во четврт-финалето на Мастерс 1000 турнирот, кој никогаш го нема освоено.

 

Со убедливата победа над Вавринка, тој само го подобри одличниот скор што го има против трикратниот гренд слем шампион – ова беше негов 19 триумф, додека Швајцарецот има славено само трипати против големиот противник.

 

Следен за него е домашниот фаворит, Жо-Вилфрид Цонга, кој со помош на гласната публика успеа да стигне до драматична 2:6/6:4/7:6(6) победа над Германецот Јан-Ленард Штруф. Новак Ѓоковиќ, тенисерот со кој Надал се бори за првото место на АТП листата на крајот на 2019, во четврт-финалето игра токму со младиот Грк, Циципас.