Филипче: Мерката со укинувањето на квотите покажува одлични резултати
Во самите аптеки фармацевтите укажуваат дека нема повеќе гужви, турканици, паника кај пациентите. Во кој било ден од месецот, пациентите доаѓаат до потребниот лек со рецепт и тоа навистина се чувствува, изјави министерот за здравство Венко Филипче при денешната посета на аптеки во Скопје.
Тој потсети дека проектот почна како пилот проект за време на летните месеци во туристичките места во Охрид, Струга, Дојран, Ресен и Гевгелија. Мерката покажа одлични резултати и пациентите во тие региони и градови се задоволни, соопштија од Министерството за здравство.
– Со имплементирање на оваа мерка, имаме задоволни пациенти и граѓани на територијата на цела држава. Мерка која одамна требаше да биде имплементирана, оваа Влада ја имплементираше со цел да го подобри пристапот до потребната терапија и квалитетот на здравствена заштита, потенцираше министерот Филипче и додаде дека ова е само еден сегмент од комплетната реформа која се имплементира на ниво на примарна здравствена заштита.
Министерот Филипче најави зголемување на капитациите и бенефит на матичните примарни лекари, кои со години немаа зголемување на капитацијата. Со оваа мерка, ќе се овозможи подобра работа, надградување на условите и опремата во кои работат матичните лекари, а бенефитот ќе го почувствуваат пациентите, информираа од Министерството за здравство.
Ново на Сител
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис