Патувачката училница „Живот на социјалните мрежи“ во Градскиот парк
Во рамки на Фестивалот „Џифони-Македонија“ денеска во Градскиот парк ќе биде поставена Патувачката училница „Живот на социјалните мрежи“ (Una vita da social), во која учениците ќе се едуцираат за превенција и заштита од можни злоупотреби на интернет.
Како што најавуваат организаторите, на патувачката училница ќе се обратат министрите за информатичко општество и администрација, за внатрешни работи и за образование и наука Дамјан Манчевски, Оливер Спасовски и Арбер Адеми.
Училницата е дел од европскиот проект „Поврзани генерации“ – Безбеден интернет центар, координиран од италијанското Министерство за образование и наука, а во изведба на експерти од Одделението за безбедност во комуникациите при италијанското Министерство за внатрешни работи.
Одделението за безбедност во комуникациите при италијанската Полиција, како што се наведува, одлучи првата и единствена годинава меѓународна активност во рамките на проектот да биде спроведена токму во Северна Македонија, за време на фестивалот „Џифони Македонија“.
Од 12 до 17 октомври патувачката училница Una vita da social – Живот на социјалните мрежи престојува на повеќе локации во градот и во неа се изведуваат интерактивни едукативни средби во кои експертите им илустрираат на слушателите како интернетот може да се користи на полезен и безбеден начин, преку запознавање со најнепредвидливите замки и навремена превенција и заштита од можни злоупотреби. Се очекува училницата, до четврток, да ја посетат над 800 ученици од основните и средните училишта.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата