Министерство за правда: Ќе го почитуваме мислењето на Венецијанската комисија за законот за јазици
Министерството за правда ќе почне измени на законот за јазици веднаш штом ќе го добие официјалното мислење на Венецијанската комисија за него, најавуваат од министерството на Рената Дескоска откако во јавноста беше објавена драфт верзија на ова меѓународнот тело дека законот за јазици треба да претрпи сериозни измени, дека е неприменливо во делот на судските постапки и дека иако ги надминува стандардите за употреба на јазиците може да чини многу пари во ситуација кога веќе има закон за употреба на јазиците од 2008 година.
- Мислењето на експертите на венецијанската комисија е класифицирано се до неговото усвојување од Комисијата кога станува официјално. До неговото официјализирање нема да коментираме, а штом ќе биде усвоено ќе го почнеме процесот на имплементирање на препораките содржани во него. - велат од правда.
Законот за јазици беше донесен во тешка и долга процедура во парламентот во јануари 2018 година со противење на опозициската ВМРО-ДПМНЕ. За законот суспензивно вето употреби и поранешниот претседател Ѓорѓе Иванов кој речиси една година го држеше во фиока и не даваше да биде објавен во Службен весник. Поради тоа Законот осамна во службеното гласило само со потпис на собранискиот спикер Талат Џафери. Под притисок на јавноста беше испратен на мислење во Венецијанската комисија.
Катерина Нешкова
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп