Општина Кичево додели субвенции за намалување на невработеноста

 Врз основа на програмата за поддршка на локалниот економски развој во која е предвиден буџет за поддршка на приватни бизниси и субвенционирање на вработување, како и врз основа на оперативниот план и насоки за спроведување на мерки за самовработување денеска во општина Кичево беа потпишани првите договори со апликанти добитници врз основа на горенаведената програма.

-Ми беше задоволство што денеска ги потпишав првите договори со фирми кои ги исполниа критериумите по јавниот повик и невработени лица од нашата општина за субвенционирање отворање на нови бизниси и вработување на невработени лица. Со оваа мерка директно му помагаме на локалниот бизнис и придонесуваме колку толку за намалување на невработеноста во нашата општина, истакна  градоначалникот Фатмир Дехари.

Вредноста за субвенционирање изнесува 180 .000 денари неповратни средства како и ослободување од таксата за фирмарина во следните две години, за секоја апликација која ги исполнува условите според огласот на општината.