Надал: Медведев е најдобриот тенисер од новата генерација

Рафаел Надал смета дека Данил Медведев е најдобриот млад тенисер во спортот. Русинот загуби од Шпанецот во финалето на „Ју Ес Опен“ со 5-7, 3-6, 7-5, 6-4, 4-6.

– Дали Медведев е најдобриот играч на новата генерација? Во моментов, да. Не знам што ќе се случи во иднина. Медведев е четврти на АТП листата, а неговата летна кампања тешко може да биде подобра. Сепак, има уште многу млади момци. Оние кои имаат можност да се развиваат и да се подобрат повеќе од било кој, ќе добијат шанса да се борат за првите места во следните 6 до 9 години, рече Надал, цитиран од „Tennis World USA“.

Пред „Ју Ес Опен“, Медведев се пласираше во финалето на четири американски турнири и ја освои титулата на еден од нив – „Мастерсот“ во Синсинати.