Заев: Писмото на Јанева е логична постапка за предметите од СЈО да преминат во ЈО, немам добиено покана за распит за „Рекет“

Со ноќно бележење на сообраќајна сигнализација целосно заврши реконструкцијата на булеварот „Кочо Рацин“ во Општина Центар, еден од најфреквентните булевари во централното градско подрачје.

– Екипите на Град Скопје работеа со засилено темпо на реконструкција на булеварот и со градежни активности во текот на вечерните часови со цел избегнување на сообраќаен метеж, а целосната реконструкција заврши во најбрз можен рок, информираа денеска од Град Скопје.

Како што се вели во соопштението на Градот, булеварот „Кочо Рацин“ за 40 дена е целосно и темелно реконструиран во должина од 880 метри во двете насоки, на потегот од булеварот „Кузман Јосифовски Питу“ до улицата „Свети Кирил и Методиј“.

Од Град Скопје посочуваат дека ќе продолжат со интензивните градежни активности за реконструкција на градските улици и булевари во рекордно кратки рокови, а граѓаните добиваат квалитетни и безбедни сообраќајници