Конзерваторскиот Центар Гостивар годинава ќе реализира уште пет проекти
Националната установа Конзерваторски центар Гостивар до крајот на оваа година ќе реализира пет проекти за заштита на културното и историско наследство.
Во рамки на кампањата „Да ја изградиме иднината со зачувување на минатото“ која е дел од годишната програма на установата предвидени се зафати на постари религиозни објекти на територијата на Општина Гостивар и евидентирање на традиционални куќи во Горна Река.
Првиот човек на НУ Конзерваторски центар Гостивар, Улбер Зулфиќари смета дека постојат реални шанси за реализација пет проекти.
– Морам да искажам задоволство од соработката со Министерството за култура. Бирократските процедури кои малку ни ја отежнуваат работата, се во завршна фаза, по што очекувам да ја поминат стручната комисија и да бидат објавени тендерите. Вкупната сума за нивната реализација надминува четири милиони денари, вели Зулфиќари.
Со проектите предвидено е обновување на покривот на старата џамија во селото Симница, старата џамија во село Равен, поправки на покривот на Беговата куќа и замена на прозорците и реновирање на портата кај Саат Џамијата. Центарот ќе исработи и проект за заштита и конзервација на фреските и иконите во црквата Св. Димитрија и евиденција на типични традиционални куќи во селото Бродец во регионот на Горна Река.
Летово оваа установа започна работите на „Ѓоновичко Кале“ што по повеќе децении претставува прво архелошоко истражување, а неодамна завршија реставраторските интервенции за санација на покривот на црквата Св. Димитрија во Гостивар и реставрацијата на фасадата на медресата.
Ново на Сител
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга