Голем пожар му се заканува на селото Ораовец

Шумски пожар распространет на површина од 60-тина хектари му се заканува на селото Ораовец во општина Чашка. Според командирот на ТППЕ Велес, Љупчо Лепидовски, гори багремова шума, нискостеблести растенија и трева.

-Во гасењето на пожарот учествуваат 40 луѓе, од противпожарните бригади на Велес и Чашка, како и вработени во ШС Бабуна. Претходно во гасењето на пожарот беа вклучени и хеликоптери од армијата, но поради ноќта, тие се повлекоа, изјави за Сител, Командирот на велешката противпожарна единица, Љупчо Лепидовски.

Инаку пожарот кај с. Ораовец е активен веќе трет ден.

Зоран Јаневски