Инклузивна ликовна колонија во Папрадиште
Во планинарскиот дом во Папрадиште денеска се одржа еднодневна инклузивна ликовна колонија на која учествуваа 13 деца од велешките редовни основни и од Посебното училиште „Маца Овчарова“.
Како што појасни Зага Колодезни, носител на проектoт „Ликовен инклузивен караван“, целта на ликовните колонии и работилници што ги организираат е преку нив да се подобри социјалната инклузија на деца и млади со попреченост на возраст од 13 до 15 години преку ликовно творење заедно со нивни врсници од редовните основни училишта, со меѓусебно запознавање и другарување.
-Децата денеска најпрво се запознаа со природните убавини на Папрадиште,потоа собираа цвеќиња,папрати и лисја кои им служеа како печати со кои правеа интересни слики, појасни Колодезни.
На новите ликовни техники ги упатија ликовните ментори на проектот професорите по ликовно, Елена Димова Пантелиќ и Драганчо Таневски.
Првата ликовна колонија Езерски бранувања од 13 до 18 јули ја одржаа на брегот на Охриското Езеро, а беа сместени во детското одмаралиште „Мајски цвет“ во Струга. Ќе следи и трета инклузивна ликовна колонија во археолошкиот локалитет Стоби на 14 следниот месец.
Сите дела од трите инлузивни ликовни колонии, како и делата од неколкуте претходно одржани работилници во Велес, на крајот од проектот ќе бидат изложени на продожна изложба што ја планираат на почетокот на октомври во Велес, а ќе биде промовиран и каталогот со сите изработки.
– Средствата собрани од продажбата на делата ќе бидат наменети за организирање нови креативни работилници помеѓу децата и младите со попреченост и со типичен развој. Со тоа ќе овозможиме подигање на инклузивната култура како помеѓу младите, но и кај возрасните, појаснува дефектологот Колодезни.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?