Пентагон се откажа од одбранбен проект вреден милијарда долари

Пентагон се одлучи заради значителни технички проблеми да запре проект вреден милијарда долари, шето го водел во рамки на развојот на противвоздушната одбрана.

Американските медиуми пренесуваат дека Пентагон оваа одлука ја образложи со фактот дека договорот за проектот со “Боинг“ е откажан откако било утврдено дека корекциите на проблематичниот дизајн на оружјето би биле прескапи.

Пентагон соопшти дека наскоро ќе повика учесници од иднустријата да се натпреваруваат за добивање дозвола за развој на „новата генерација пресретнувачи“, пренесоа американските медиуми, додавајќи ја претпоставката дека веројатно станува збор за одбранбено оружје за суперсоничните ракети што ги развиваат и Русија и Кина.