Курдскиот опозициски лидер Демирташ остана неповреден во напад врз неговиот автомобил
Лидерот на турската прокурдска опозициска партија Селахатин Демирташ останал неповреден откако било пукано врз неговиот блиндиран автомобил, пренесоа британските медиуми.
Портпаролот на Демократската партија на народите изјави дека врз Демирташ веројатно е извршен обид за убиство.
-Задното стакло на блиндираниот автомобил било погодено од куршум додека Демирташ и неговото обезбедување патувале за градот Дијарбекир, во југоисточна Турција, изјави портпаролот.
Демирташ за агенцијата Фират изјави дека тој и неговото обезбедување забележале вдлабнатина од куршум, кога излегувале од возилото. Полицијата не открила чаура.
„Смртта доаѓа по божја наредба“, напиша Демирташ на Твитер по нападот.
На вонредните парламентарни избори овој месец Демократската партија на народите го мина 10-процентниот излезен праг и го задржа своето парламентарно присуство, откако на изборите во јуни за првпат влезе во Парламентот, потсетија британските медиуми.
Приврзаниците на прокурдската партија три пати беа напаѓани во текот на последните неколку месеци. Во атентатот во Анкара минатиот месец, извршен веројатно од Исламска држава, загинаа над 100 лица.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата