Брнабиќ: Наскоро интегрирани гранични премини на Србија со Северна Македонија, Албанија и БиХ
Српската премиерка Ана Брнабиќ денеска најави дека наскоро ќе биде отворен интегрираниот граничен премин со Северна Македонија, а вакви премини наскоро ќе бидат воспоставени и со Албанија и Босна и Херцеговина.
Брнабиќ ова го соопшти на денешниот состанок со преставници на Стопанската комора на Србија (ПКС), јави дописникот на МИА од Белград.
На состанокот, претседателот на ПКС, Марко Чадеж кажа дека интегрираните гранични премини, каков што наскоро ќе биде воспоставен со Северна Македонија, значително ќе го олеснат непречениот проток на стоки кон и од Србија.
На крајот на јули, српскиот Парламент на предлог на Владата, го усвои законот за ратификација на Договорот меѓу Владата на Србија и Владата на Северна Македонија за воспоставување на заеднички контроли на граничниот премин за меѓународен патен сообраќај, Прешево-Табановце.
Српските медиуми, повикувајќи се на извори од Царината, најавија дека воспоставувањето заедничка контрола на овој граничен премин ќе започне на крајот на август или почетокот на септември.
Ново на Сител
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски
-
Мицотакис: Ги предупредуваме нашите северни соседи, не почнавте добро, престанете да правите сметка без крчмарот
-
Претседателката Сиљановска Давкова го прими кинескиот амбасадор Џанг Ѕуо