Баерн го сака Бејл на позајмица

Германскиот фудбалски шампион Баерн Минхен сака во своите редови како позајмен играч да го донесе Герет Бејл од Реал Мадрид, објави шпански „АС“.

Претходно беше објавено дека Велшанецот не е вклучен во плановите на Мадрид за следната сезона и најверојатно ќе го напушти клубот ова лето.

Најверојатната варијанта за негов трансфер се сметаше за кинескиот Ксајан Сунин,  но договорот не се случи.

Исто така постои и опцијата Бејл да се врати во неговиот поранешен клуб Тотенхем.

Баерн веќе изнајми играч од напаѓачката линија на Реал. Две претходни сезони на позајмица за баварскиот клуб играше Хамес Родригез. Ова лето тие не го откупија неговиот договор, а тој се врати во клубот од Мадрид.