Повторно судири меѓу полицијата и демонстрантите во Хонг Конг
Полицијата во Хонг Конг денеска повторно употреби бибер спреј и палки во растерувањето на демонстрантите кои се собраа пред една полициска станица во градот.
Во полициската станица се наоѓале други притворени демонстранти, јавија западните агенции.
Полицајците во опрема за разбивање демонстрациии со палки и штитови излегоа пред зградата на полициската станица за да се соочат со демонстрантите кои веќе со недели бараат поголема демократија во оваа поранешна британска колонија.
Претходно денеска, полицијата отвори судска постапка против 44 од веќе притворените демонстранти, кои учествуваа во пресметките со полицијата во претходните протести. За таквото кривично дело може да добијат и до десет години затвор.
Протестите во Хонг Конг почнаа поради противењето на граѓаните на предлог законот за естрадиција што предвидува предавање на осомничените криминалци на Пекинг. Противниците на овој предлог закон сметаат дека тој претставува закана за слободите на граѓаните на Хонг Конг, гарантирани во текот на следните 50 години, почнувајќи од 1997 година, кога Кина Кина повторно ја презеде контролата врз оваа поранешна британска колонија.
Популарно од Свет
Ново на Сител
-
Средба на Сиљановска-Давкова со претставнички на здружението „До бебе по патот на ин витро“
-
Акција „Чистач“: Уапсени 5.628 лица, 1.158 претреси во борбата против насилниот криминал, трговија со дрога и прекуграничниот криминал
-
Стопанската комора предлага 13 неработни денови и укинување на префрлањето на празниците што паѓаат во недела
-
Мицкоски: Остануваме држава со најниска цена на дизел горивото и на безоловниот бензин
-
Мицкоски: Оваа Влада ги завршува проектите што биле закочени со децении, а ако опозицијата иницира предвремени избори, ќе дадеме соодветен одговор
-
Онкологија: Вештак на одбраната тврди дозирањето и третманот на онколошки пациенти е согласно европски протоколи, Обвинителството ги оспорува заклучоците
-
Пуштена во употреба новата детска градинка во Теарце, 147 деца ќе бидат згрижени
-
До четврток сончево и топло, од петок променливо облачно со пообилни врнежи
