Адеми: „МојДДВ“ е корисна мерка за сите граѓани кои секојдневно купуваат

Повратот на 15 отсто од пресметаниот ДДВ е корисна мерка за сите граѓани кои секојдневно купуваат, затоа што секој денар вратен кај граѓаните е важен, истакна министерот задолжен за дијаспора, Едмонд Адеми, кој денеска ја промовираше кампањата “Мој ДДВ” во Скопје.

Според министерот, големата заинтересираност кај граѓаните за проектот „Мој ДДВ” придонесува во намалувањето на сивата економија.

– Ме радува фактот што секојдневно гледам дека се поголем број на граѓани се приклучуваат во овој проект, односно ги скенираат своите фискални сметки. Бројот од над 6,5 милиони скенирани фискални сметки говори за успешноста на „МојДДВ“, рече Адеми.

Тој додаде дека оваа мерка можат да ја користат и нашите сонародници од дијаспората при нивниот престој во матичната земја.

-За нашата дијаспора важат буквално истите услови како и за сите државјани на Република Северна Македонија, истакна министерот.