Се одржува манифестацијата „Крушево будно“
Со настап на познати музичари и ди-џеи во Крушево по четврти пат се одржува фестивалот „Крушево будно“ што го организира Локалниот младински совет.
Фестивалот синоќа беше отворен со настапот групите „Шајн“, „Бег дор бенд“ и Сирилик“ пред младите од Крушево и посетителите од земјава и странство.
Како што објаснува Билјана Стојаноска од Локалиот младински совет на Крушево целта е да се раздвижат, да се „разбудат“ младите и да се активираат, во иднина и со други настани и активности.
-Она што е значајно за овој фестивал е што потекнува од младите и е за младите. Правиме едно културно будење и не само од Крушево, туку и од Регионот. Зад настанот е Локалниот младински совет од Крушево, со поддршка на Министерството за култура, на Општината и на локалната заедница. Како совет ги покриваме и параглајдинг натпреварувањата и во Крушево нудиме една нова културна содржина за сите генерации. Сакаме да ги „раздвижиме“ младите, да го подигнеме ентузијазмот за самите млади да го подобруваат животот во Крушево. Само е потребно младите да се активираат, да си го сакаат градот. А за да останат младите, битно е заедницата, државата да ги слушаат и да ги послушаат нивните потреби, изјави Стојаноска.
Сотираки Чакалар, од Младинскиот совет смета дека има можности Крушево да биде подобро место за живеење на младите.
-Се трудиме Крушево да биде добро место за живеење, особено за младите. Ова е еден од настаните што сакаме да ги активира младите, се трудиме да ги вклучиве во секојдневните активности. Верувам дека има можности за младите во крушево. Што се однесува до фестивалот, тој се одржува по четврти пат. Програмата е богата и нуди забава за младите сите овие денови. Синоќа фестивалот го отворија групите „Шајн“, „Бег дор бенд“ и Сирилик“. За вечер е настапот на ди-џеј Јовица Шапе од Крушево, потоа се „Бонгас енд гитарс“ со латино звуци, па е настапот на Бени со „Нон стоп“, и за крај ди-џеј Рикардо, со што ќе заврши годинашново издание на „Крушево будно“, рече Чакалар.
Ново на Сител
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите