Трамп му честиташе на Џонсон: Ќе биде одличен!

Американскиот претседател Доналд Трамп му го честиташе денеска на Борис Џонсон изборот за нов премиер на Велика Британија.

– Му честитам на Борис Џонсон што стана нов премиер на Обединетото Кралство. Ќе биде одличен!, напиша Трамп На Твитер.

Џонсон денеска е избран за нов претседател на Конзервативната партија, а со тоа и иден премиер на Велика Британија.

Тој убедливо го победи противкандидатот, актуелниот министер за надворешни работи Џереми Хант, освојувајќи 92.153 гласови наспроти 46.656 гласови.