Се зголемува бројот на повредени во пожарите во Португалија
Повеќе од илјада пожарникари веќе трет ден се борат со пожарите во централниот дел на Португалија во кои досега се повредени најмалку 39 лица.
Најмалку едно лице е потешко повредено, неколку локални жители се евакуирани од предострожност, а во пожарот се уништени и неколку куќи, јавија локалните медиуми.
Во текот на викендот изгореле околу 8.500 хектари вегетација.
Иако ситуација вчера била подобра, до синоќа само 70 отсто од пожарите биле под контрола поради силниот ветар и високите температури.
Во последните години во Португалија се регистрирани некои од најсмртоносните пожари во историјата на земјата. Во еден од нив во 2017 година загинаа 107 луѓе.
Бројот на загинати таа година ја поттикна португалската Влада да поддржи построги мерки за превенција на пожари, што доведе до тоа во 2018 година да нема загинати во пожарите.
Ново на Сител
-
124 санкционирани возачи во Скопје
-
На пленарна седница законските измени за реорганизација на министерствата
-
Генералното собрание на ОН избра пет нови непостојани членки на Советот за безбедност
-
Руски напади во западните региони на Украина
-
Руски воени бродови следната недела ќе пристигнат во Куба
-
Бајден вели дека нема да го помилува својот син Хантер
-
За викендот сончево и топло
-
Состојба на патишта