Во пожарот во Португалија повредени 31 лице

Повеќе од илјада пожарникари веќе трет ден се обидуваат да го изгаснат големиот пожар во Португалија, во кој до сега се повредени 31 човек.

Околу 90 проценти од пожарот во областа Кастело Бранло, 200 километри североисточно од Лисабон, ставени се под контрола во текот на ноќта, кога температурата на воздухот е пониска.

Полицијата соопшти дека во тек е истрага за причините за пожарот и оти постои сомневање дека би можел да биде подметнат.

Последните години во Португалија забележани се некои од најсмртоносните пожари во историјата на земјата. Во 2017 година во пожарите загинаа 107 луѓе.