Вандали го затнуваат колекторот во Радовиш

Во период од 72 часа два пати е затнат колекторот за фекални води од населбата Раклиш кај Радовиш кон пречистителната станица од несовесни граѓани кои фрлаат најаразлични предмети во шахтите, информираат од ЈП „Плаваја“ од Радовиш.

– Вработените во одделението за канализација на ЈП „Плаваја“ со натчовечки напори и во тешки услови, притоа поседувајќи најсовремена механизација и опрема за таа намена, едвај успеваат да го одзатнат колекторот, кој поради затнувањето почнува да се излева од првата најблиска шахта и ги поплавува со фекални води земјоделските површини, појаснуваат во реакцијата од радовишкото комунално претпријатие.

Од јавното претпријатие ги информирале сите надлежни органи и институции во општина Радовиш и очекуваат вандалите да бидат откриени и да ја добијат заслужената казна.