ВИП со раст на профитот од 9,4 отсто

А1 Телеком Австрија соопшти дека нејзиниот македонски огранок оне.Вип во првата половина од 2019 година остварил профит пред исплата на камати, даноци и амортизација (ЕБИТДА) од 22 милиони евра, што претставува раст од 9,4 отсто во споредба со истиот период лани.

Вкупниот приход на оне.Вип во првите шест месеци од годинава се зголемил за 3,4 проценти на 59,6 милиони евра.

Во вториот квартал од 2019 година, профитот ЕБИТДА на оне.Вип се намалил за 5,8 отсто на годишно ниво на 10,9 милиони евра, додека приходот во истиот период пораснал за еден процент на 29,3 милиони евра.

Во соопштението на А1 Телеком се посочува дека на крајот на јуни годинава, оне.Вип имал вкупно 1,08 милиони претплатници на безжичен интернет, што претставува раст од 0,2 проценти во споредба со истиот период лани.