Костадинов: Доколку се докаже дека членови на СДСМ се огрешиле ќе одговараат и согласно партискиот статут

Државата изгради институции и систем што се бори против корупцијата и криминалот.

Случаите мора да се истераат до крај во интерес на граѓаните и државата, истакна портпаролот на СДСМ, Костадин Костадинов.

Вели дека Христијан Моцкоски не го интересираат реформите и напредокот на државата, туку само заштита на криминалите на Никола Груевски. Според него, старото крило на ВМРО-ДПМНЕ не сака попис, туку сака државата да остане блокирана. Рече дека СДСМ ќе направи се правдата да биде задоволена. Во однос на двајцата пратеници за кои во јавноста се зборува дека се дел од рекарскиот скандал, Костадинов вели дека доколку во транспарентна постапка се докаже дека се огрешиле, СДСМ ќе преземе мерки согласно партискиот статут.

Костадинов вели дека лидерска средба ќе се одржи и без претседателот на ВМРО-ДПМНЕ, кој најави дека нема да учествува.

Даниел Василев