Возач тешко повреден откако се преврте со возилото на булевар во Тетово

Триесет и осум годишник од Фалише се превретел со возило на булеварот „Илирија“ во Тетово вчера околу 22:20 часот по што добил скршеници на ребрата. Тој бил сам во возилото, а нема други повредени во инцидентот случен на фрекфретната сообраќајница во градот.

– Возачот управувал патничко моторно возило „Пежо 206“ со тетовски регистертески таблици по што загубил контрола и се превртел на покрив. Од излетувањето и превртувањето добил тешки повреди на ребрата. Бил пренесен во тетовската клиничка болница каде е задржан на лекување, иформира Марјан Јосифовски, портпарол на СВР Тетово.

Инаку, статистичката анлиза на Секторот за внатрешни работи Тетово бележи дека изминатите шест месеци од оваа година во Тетовскиот регион вкупно откриле и соодветно санкционирале 9125 сообраќајни прекршоци, додека вкупниот број на контролирани возила во овој период изнесувал 27.717. Откриените сообраќајни прекршоци заокружени се со 4593 мандатни, 2679 прекршочни плaтни налози, како и со 1923 писмени опомени, а времено биле одземени 292 возачки и 315 сообраќајни дозволи.