Хан назначен за трет мандат во идната Европска комисија
Сегашниот еврокомесар за проширување и соседска политика, Јоханес Хан, беше назначен од австриската Влада за уште еден мандат во идниот состав на Европската комисија.
Секоја земја членка на Европската унија именува еден кандидат за еврокомесар кој потоа треба да биде сослушан и потврден од Европскиот Парламент.
Австриската канцеларка вчера официјално го номинираше Јоханес Хан за уште еден мандат. Доколку Парламентот го потврди, ова ќе биде третпат по ред Јоханес Хан да биде европски комесар.
Австриецот беше комесар за регионална политика во втората Комисија на Жозе Мануел Баросо, и комесар за преговорите за проширување и соседска политика во Комисијата на Жан Клод Јункер, чиј мандат истекува на први ноември.
Засега не се познати портфолијата на идните комесари, тоа ќе биде резултат на политички преговори меѓу земјите членки, но речиси е извесно дека нема повторно да се занимава со проширувањето.
Според дипломатски извори во Брисел, за проширувањето изразила голем интерес Унгарија. Унгарскиот кандидат се очекува да биде Ласло Трошањи, министер за правда во заминување во Владата на Виктор Орбан. Неговото назначување сепак не значи дека автоматски ќе биде прифатен, со оглед на тоа дека европратениците мора претходно да го одобрат по темелна аудиција.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка