Телото на Исмаили пронајдено во езерото Комо

Телото на 24-годишната фудбалерка на Јанг бојс и на швајарската репрезентација, Флоријана Исмаили е извадено од езерото Комо во Италија, откако таа исчезна при туристичка посета пред три дена.

Италијанските медиуми објавуваат дека Исмаили скокнала од чамец во езерото за да се освежи, но на тој дел езерото било длабоко 200 метри и таа се удавила, додека нејзината пријателка ја чекала на чамецот.

„Мислев дека сака да ме исплаши и дека ќе се појави од другата страна.Постојано ја викав, но потоа сфатив дека морам да побарам помош“, изјави пријателката на Исмаили.

Исмаили, која има албанско потекло, беше капитен на Јанг бојс и лани беше најдобар стрелец на тимот со 7 гола. За Швајцарија таа имаше 33 настапи и беше дел од тимот кој играше на СП во 2015 година.