Културно уметничка вечер во чест на Свети Наум

Во Културно-информативниот центар „Култура 365“ во Охрид вечерва ќе се одржи културно-уметничка вечер во чест на Свети Наум и на седмочисленичката дружина, но и на други светители…

Настанот е спроти празникот свети Наум, а пригодна беседа во чест на светителот, под наслов „Свети Наум на фонот на македонската културна историја“, ќе одржи д-р Димитар Пандев.

Во рамки на манифестацијата ќе бидат одржани пригодни говори и прочитани песни од и за светителот.