Почна состанокот на Путин и Трамп во Осака

Во тек е билатерална средба меѓу претседателите на Русија и на САД, Владимир Путин и Доналд Трампа, во Осака, каде се одржува самитот на Г-20.

Според руски медиуми, средбата се очекува да трае од час до час и половина.

Путин им изјави на новинарите во пресрет на состанокот дека тој смета дека средбата со Трамп е добра можност да се продолжи со дијалогот по самитот во Хелсинки, каде што двајцата лидери имаа средба во 2018 година.

Тоа е прв состанок на двајцата претседатели откако Трамп ги откажа разговорите со Путин, што требаше да се одржат во Аргентина на маргините на самитот на Г20 во декември 2018 година.

Од тогаш, двајцата претседатели еднаш разговараа по телефон во мај 2019 година.