Мештаните во страв, мечка уништи имот во Битуше

Неколку часа по полноќ мечка го уништила имотот на семејството Божиновски во село Битуше. Дивото животно во потрага по храна ја урнало бетонска ограда и направило огромна материјална штета, обидувајки се да го испразни пчеларникот уништила неколку пчелни семејства.

- Пчеларникот е на само неколку метри од куќата. Имаме поставено алармен систем и двојна ограда со бетонски столбови и табли од лим, но вакво нешто до сега не сме виделе, раскажува за Сител Боре Божиновски, сопственикот на имотот.

Од фотографиите кои ги испрати Божиновски може да се потврди штетат која ја направила мечката. Но, стравот кај Боре и неговите соседи е голем. Тие се исплашени дека во потрага по храна може да страда и локалното население. Мештаните апелрираат до институциите да ги преземат потребните мерки за заштита на населението во мавровскиот регион.