Детали за сообраќајката кај Деве Баир - Едно лице почина, друго тешко повредено

Вчера во 15.00 часот на магистралниот пат Крива Паланка - Деве Баир, во атар на село Кркља, се случила сообраќајна незгода.

Имено сообраќајката се случила помеѓу патничко возило „Опел Корса“ со скопски регистарски ознаки, управувано од С.С.(65) од Скопје и товарно возило „Мерцедес“ со кумановски регистарски ознаки, управувано од Ј.М.(32) од Крива Паланка.

Во незгодата С.С. се здобил со тешки телесни повреди и бил пренесен во Здравствениот дом-Крива Паланка, каде околу 15.50 часот починал.

Сопатничката од истото возило, К.С.(65) од Скопје се здобила со тешки телесни повреди и била пренесена и задржана во Комплексот клиники „Мајка Тереза“ во Скопје.

Увид на местото на настанот извршиле Јавен обвинител и увидна екипа од Полициската станица Крива Паланка.