Вејсели: Сулејман Реџепи ќе раководи со ИВЗ додека има доверба од Ријасетот
Сулејман Реџепи и натаму ќе раководи со Исламската верска заедница (ИВЗ) се додека ја има довербата од Ријасетот, изјави вечерва Мухамед Вејсели од ИВЗ, кој како скандалозна ја оцени одлуката на судот.
-Исламската заедница е самостојна и автономна институција гарантирана со Уставот на РСМ. Го има својот Устав, ги има своите правилници и согласно Статутот ниту еден орган, ниту една институција во државата не може да одлучува кој ќе биде Реиз ул-Улема. Може ли судот да одлучува кој ќе биде поглавар на МПЦ? Таа одлука е на Синодот на МПЦ, а не е на некој друг орган. Никој не може да одлучува кој ќе биде носител на верската јурисдукција на Реиз ул-Улема. Тоа е одлука на Ријасетот, изјави вечерва Муамер Вејсели од ИВЗ.
Тој оцени дека „вакви скандалозни одлуки се случуваат само во дивиот запад, само во една држава во која не функционира правниот систем“.
-Ние не сакаме да навлегуваме во повеќе детали, најверојатно тие ќе ви бидат соопштени откога целосно како највисок орган на Исламската верска заедница ќе ја разгледаме настанатата ситуација по истекот на работното време, рече Вејсели.
Се очекува, дополни, да се одржи и седница на Ријасетот на ИВЗ за што дополнително ќе информираат бидејќи е потребно време на координирање и пристигнување на сите муфтии од земјата.
– Ние сме секуларна држава согласно Уставот и во оваа секуларност согласно Законот за положба на верските заедници секоја верска заедница е уставна категорија, секоја религиозна група регистрирана во дражвата го има внатрешното нејзино уредување и внатрешната хиреархија. Согласно тоа внатрешно уредување, согласно внатрешните акти, согласно внатрешната хиреархија на поставување на органите на институциите на ИВЗ, Ријасетот е единственото тело што одлучува кој ќе биде носител на јурисдикцијата на Реиз ул-Улема, потенцира Вејсели.
Тој изрази жалење за ваквите, како што рече, скандали што се случуваат во ИВЗ која, според него, претставува над 900.000 муслимани во земјава. Вејсели порача носителите на јавни политички функции да се држат подалеку од Исламската верска заедница.
Ново на Сител
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања