Црногорската полиција приведе 26 лица блиски на „кавачкиот“ криминален клан
Црногорската полиција приведе на информативен разговор 26 лица блиски на „кавачкиот“ клан, со цел да провери каде се наоѓале за време на убиството на Веселин Вукотиќ, татко на водачите на криминалниот „шкаљарски“ клан, Јован и Игор Вукотиќ.
Полицијата на местото на инцидентот пронашла шест чаури. Постои сомнеж дека во нападот бил употребен полуавтоматски пиштол. Фактот дека убиецот не оставил речиси ниту една трага, ја отежнува полициската истрага.
Истражните органи се сомневаат дека за таа ликвидација е одговорен „кавачкиот“ клан, кој е во конфликт со синовите на убиениот 69-годишен Вукотиќ.
Дополнително е зајакнато обезбедувањето на двата клана, бидејќи се стравува дека ова убиство ќе предизвика нови крвави пресметки во Котор и другите градови ширум регионот и Европа.
Како што соопшти црногорската полиција, Вукотиќ бил застрелан со повеќе куршуми пред неговата куќа, од страна на засега неидентификувано лице, кое побегнало во непознат правец.
„Шкаљарскиот“, заедно со „кавачкиот“, се два криминални клана од Котор, што последниве години водат меѓусебна војна, при која досега се убиени над 30 лица. Двата клана во минатото беа дел од една криминална група, но откако кон крајот на 2014 година во шпанскиот град Валенсија исчезнаа околу 300 килограми кокаин што и припаѓаа на групата, таа се подели на „шкаљарци“ и „кавачанци“.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата