Мирен и демократски изборен процес во пелагониските општини

Општинските изборни комисии од Битола, Демир Хисар, Новаци и Могила информираат дека гласањето на сите избирачки места се одвива мирно и демократски.

На подрачјето на Општина Битола до 10 часот гласале 8,8 насто од вкупниот број  гласачи евидентирани во Единственот избирачки список, додека во Општина Демир Хисар гласале 10 проценти од граѓаните со право на глас.

Во Општина Новаци до 10 часот гласале 10,3 насто од избирачите, додека во првите три часа од изборниот процес на денешните претседателски избори, најмал излез има во пелагониската општина Могила каде до 10 часот гласале 4,6 од тамошните жители, потврдија од ОИК-Могила.