Без проблеми се одвива гласањето во затворите и домовите

Гласањето веќе е завршено во Камбера и Мелбурн. Во Камбера на гласање излегле 38, во Мелбурн 57,5 отсто.

Податоците на ДИК покажуваат дека до 10 часот најголема излезност има во Прага 18,4 отсто, а најмала во Истанбул 3,5 проценти.

Отворени се гласачките кутии во Дипломатските претставништва, освен во САД и Канада, каде што тоа ќе се случи по македонско време, поради временската разлика. 

Без проблеми се одвива гласањето во 13 Казнено Поправни Установи низ земјата, информираат од Државната изборна комисија.

Право на глас во затворите имаат 1640 гласачи. 3599 луѓе поднеле целосна документација и гласаат во своите домови поради лошата здравствена состојба.

Новина од овие избори е што за прв пат се гласа во два старечки домови. Таму право на глас има 71 лице.

Македонските граѓани кои живеат во странство можат да гласаат на 32 избирачки места.

Даниел Василев