Обвинение за две кривични дела против разбојник од Гевгелија
Основното јавно обвинителство во Велес до Велешкиот суд поднесе обвинителен акт против 40-годишен жител на Гевгелија за кривични дела „недозволено изработување, држење, посредување и тргување со огнено оружје или распрскувачки материи“ и „разбојништво“.
Надлежен јавен обвинител по сеопфатна истражна постапка утврдил дека обвинетиот во периодот од 9 јануари 2019 до 22 февруари 2019 година кај себе неовластено држел огнено оружје – ловечка пушка марка „Чешка збројевка“ со калибар 16 мм и осум ловечки куршуми со истиот калибар.
-На 9 јануари околу 2.40 часот од електронското казино во Гевгелија, заканувајќи се со пушката одзел пари во вкупен износ од 150.000 денари со намера противправно да ги присвои. Обвинетиот маскиран влегол преку задниот спореден влез во казиното и се упатил кон просторот каде што се наоѓа касата. Потоа ја вперил пушката кон касиерот кој бил на работно место давајќи му знак со пушката да се оддалечи од касата. Касиерот исплашен од заканата, го послушал обвинетиот, кој ги одзел 150-те илјади денари во различни апоени и го напуштил казиното, соопшти ЈОРМ.
Обвинетиот пред извесно време во Грција извршил кривично дело „разбојнипштво“ за кое бил правосилно осуден на ефективна казна затвор и избегал од државата за да го избегне издржувањето, а исто така и повеќепати е осудуван за кривични дела против имотот и против животот и телото на луѓето. ОЈО Гевгелија проценило дека постои опасност тој да избега или да продолжи да прави кривични дела, па поради тоа до Основен суд Велес со поднесениот обвинителен акт доставило и предлог за продолжување на мерката притвор за обвинетиот.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице