Тешка сообраќајка во Чаир - Едно лице пренесено на Ургентен

Едно лице со потешки повреди со возило на Брза помош е префрлено во Ургентен центар после тешката сообраќајка што се случи вечерва околу 19.15 часот на крстосницата на улиците Втора Македонска бригада и Ќемал Сејфула, на самата граница на општините Чаир и Бутел. Среќа во несреќа е што сообраќајката се случи точно пред Поликлиника Чаир, во чиј објект е и пунктот на Брза помош, па реакцијата на луѓето во бело беше експресна.

Во силниот судир на автомобилите „голф 4“ и „ауди“ караван, целосно се оштетени предниците и моторите на двата автомобила. Од голфот е излеано дизел гориво. Коловозот е посеан со парченца стакло и пластика од фаровите и маските и спојлерите на автомобилите.

Судирот одекна како детонација, па станарите на зградите во близина веднаш излегоа на балконите, а голем дел во првите минути притрчаа до местото на судирот за да помогнат.

Плусинфо