Над 50 хектари шума зафатени во пожарот кај кочанското село Цера на Осоговските Планини
Во пожарот што ги зафати падините на Осоговските Планини кај кочанското село Цера досега изгореа над 50 хектари со букова и борова шума.
Пожарникарите од Територијалната противпожарна единица од Кочани трет ден се на терен, но немоќни се во локализирањето на пожарот поради непристапноста на теренот, а силниот ветер и сувата вегетација дополнително помагаат огнот брзо да се шири.
– Повеќе од 48 часа сме на терен и ги ангажиравме сите пожарникари и опремата со која располагаме, во моментот сè уште активно е уште едно жариште, но се надеваме дека до попладнево и тоа ќе биде изгаснато. Во саботата се појави мал пожар што со брза интервенција го запревме, но следното утро се појавил нов, на локација недостапна за противпожарните возила. Според првичните индиции што ги согледавме причина за пожарот е човечкиот фактор, истакна Благој Паунов, командир на Територијалната протвпожарна единица.
Доцна синоќа заседаваше општинскиот Кризен штаб со претставници на Дирекцијата за заштита и спасување, Центарот за управување со кризи, Територијалната противпожарна единица – Кочани, Полициската станица, КЈП „Водовод“, Шумското стопанство „Осогово“ и од Локалната самоуправа при што е изготвен план за дејствување во текот на денешниот ден. Целта е со добра координација и комуникација брзо да се реагира и да се превенира натамошното ширење на пожарите.
Во моментот на терен дежурни се екипи составени од пожарникари, инспектори, полицајци и претставници на „Шумското стопанство“ и на Општина Кочани
Ново на Сител
-
Руско МНР: Европа нема право да учествува во преговорите за Украина
-
Со инвестиција од над една милијарда евра во енергетиката во земјава влегува турската групација „Казанчи Холдинг“
-
Во Белград протест на просветните работници, а студентите од различни градови пешки тргнаа кон Ниш
-
Со помош на изработен лажен клуч, две лица провалиле во стан во Скопје и одзеле 250 евра и накит
-
Кремљ го прифати извинувањето на Вучиќ за гласањето за резолуцијата во ОН
-
Две заторенички физички се пресметале во КП Идризово, едната се здобила со тешки телесни повреди
-
Пријава за „злоупотреба на службена положба и овластување“ за четворица струмичани од Комуналец
-
Таравари најавува законски измени за департизација на здравството