Мадуро му забрани на лидерот на опозицијата да се занимава со политика во следните 15 години, Гуадио оваа одлука ја нарече неуставна

 

Владата на венецуелскиот претседател Николас Мадуро му забрани на лидерот на опозицијата Хуан Гуаидо вршење на јавна функција во следните 15 години, соопштил владиниот финансиски контролор Елвис Аморосо.

 

Гуаидо, кој е на чело на националното собрание каде опозицијата го има мнозинството и самопрогласен привремен претседател, е обвинет од страна на владата за корупција.

 

Аморосо се повикал на одредени недоследности во личните финансии кои ги пријавил Гуаидо, како и трошоци кои се повисоки од неговата плата.

 

Овој потег доаѓа еден ден откако опозицискиот лидер ги повика граѓаните на Венецуела на масовен протест поради националната рестрикција на електрична енергија во текот на утрешниот ден.

 

Гуаидо во јануари се прогласи за привремен претседател, повикувајќи се на тоа дека реизборот на Мадуро во 2018 година бил нелегитимен.