Природна катастрофа го зави Мозамбик во црно: Циклонот однесе над 1.000 животи

Претседателот на Мозамбик, Филипе Њуси изјави дека е можно повеќе од илјада луѓе да го загубиле животот во циклонот „Идаи“.

Иако моментно официјалниот биланс на жртвите изнесува 84, Њуси истакна дека стравува оти ќе има повеќе од илјада загинати.

Тој нагласи и дека над 100.000 луѓе „се во опасност“ од последиците на циклонот „Идаи“, кој според многумина е најкатастрофален во последните 20 години.

Претседателот со хеликоптер го посетил пристаништниот град Беиру, како и руралните провинции Маника и Софала, кои се уништени од поплавите.

Циклонот „Идаи“ минатата недела го погоди Беиру, а потоа ги зафати Зимбабве и Малави. Во сите три земји загинаа вкупно 2015 лица, стотици се водат како исчезнати, а над 1,5 милиони луѓе се погодени од последиците на невремето.