Заврши дипломатскиот спор меѓу САД и ЕУ
САД ставија крај на спорот со Европската унија во врска со дипломатскиот протокол, изјави денеска американскиот амбасадор во ЕУ Гордон Сондланд и додаде дека ЕУ за Вашингтон е еден од најважните сојузници.
Администрацијата на претседателот Доналд Трамп го спушти нивото на дипломатскиот статус на делегацијата на ЕУ во САД минатата година, без формална објава на одлуката и без да го извести Брисел за таа промена.
Тоа практично значеше дека во Вашингтон статусот на ЕУ е спуштен од државно на ниво на меѓународна организација.
Таа „преквалификација“ доведе и до промена на статусот на амбасадорот на ЕУ во САД Дејвид О’Саливен, што стана очигледно на погребот на некогашниот претседател Џорџ Буш (постариот). Името на амбасадорот О’Саливен тогаш не беше прочитано во моментот кога тоа го налагаше дипломатскиот протокол.
Сондланд изјави дека на амбасадорот на ЕУ му се враќа претходниот статус и оти таа одлука веднаш стапува во сила.
Популарно од Свет
Ново на Сител
-
Автомобил се судри со трактор на патот Градско – Прилеп
-
Хибридите и моторите со внатрешно согорување можат да останат: ЕК го намали целниот процент за нулта емисија до 2035-та
-
Кушнер се повлече од белградскиот проект „Трамп“ вреден 750 милиони евра; Вучиќ: Ова е многу лоша вест
-
Силни безбедносни гаранции од Европа и САД – услов за мировен договор, нагласи Зеленски
-
Детски психијатар од Хрватска злоставувал малолетни деца и им давал дрога
-
Песков: Русија сака мир, а не кратко примирје
-
Тешко повреден малолетник на „томос“ по направена сообраќајка
-
Благодарение на ЗХГ ќе нема огномет на новогодишната прослава на плоштадот во Скопје
