Кавадаречката полиција ги подучуваше граѓаните како да се заштитат од кражби

Советодавна група на граѓани на тема превенција од тешки кражби во станови се одржа попладнево пред комплекс згради во новиот центар во Кавадарци. Настанот беше во организација на Полициска станица од општа надлежност Кавадарци, отсек за превенција.

-Решивме на лице место да поразговараме со граѓаните и да им дадеме препораки како да се заштитат од крадци. Сакаме да ги поттикнеме добрите меѓусоседски односи оти сметаме дека соседството е тоа кое води кон намалување на ваквите појави. Истовремено, ги информираме за сите технички мерки и инсталирање на уреди со кои можат да ги заштитат своите домови, рече за Димитар Каракулев, инспектор за превенција.

Ваквите трибини на отворено ќе продолжат и во иднина, се со цел да се едуцираат граѓаните и да им се застане на патот на крадците.