Мицотакис: Иако не ми се допаѓа, Договорот од Преспа е ратификуван и ќе го почитувам
– Имаме меѓународен договор, не ми се допаѓа, но е ратификуван меѓународен договор и ќе го почитувам договорот, рече претседателот на Нова демократија Кирјакос Мицотакис за време на панел дискусијата на Економскиот форум во Делфи, одговарајќи на прашањето дали тие како влада одново би ги отвориле прашањата од Договорот од Преспа со кој што не се согласуваат, јави дописничката на МИА од Атина.
Лидерот на најголемата грчка опозициска партија, објасни дека ако постојат прашања на кои можат да работат, ќе го сторат тоа, а акцентот го стави на компаниите од Северна Грција кои го користат терминот „македонски“. Истакна дека се комплетно незаштитени, бидејќи „не постои заштита на брендот македонски за трговска употреба“.
-Јас правам се што можам за да ја објаснам мојата позиција, сметам дека е многу важно да сфатиме дека постојат суштински чувствителности во Северна Грција. Јасно велам дека мојата главна одговорност, исто колку што ме интересира што се случува на Балканот, не реков дека не сакам договор, но мојата главна одговорност, нема да дозволам овој договор да ја дестабилизира Грција, бидејќи ние сакаме да се стабилизира регионот. И постои голема опасност да се случи такво нешто, посебно поради чувствата кои преовладуваат во Северна Грција. Тоа е во јадрото на идентитетскиот проблем, истакна претседателот на Нова демократија.
Мицотакис рече дека 70% од Грците и 95% од гласачите на Нова демократија сметаат дека договорот е лош и повтори дека неговата партија не се согласува со делот што се однесува на македонски јазик и националност.
– Не е државјанство, туку националност со особеностите, култура, јазик, цивилизација. Тоа е дефиниција за национален идентитет. Ниту една грчка влада во сложениот балкански регион, никогаш не го признала ова. И никој не ни објасни зошто нема барем северномакедонски идентитет, рече лидерот на Нова демократија, пренесе МИА.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија