Сообраќајка во Скопје, две лица се повредени

На крстосницата од улиците „Методија Андонов Ченто“, „Јужноморавски Бригади“ и „Маџари“ во Скопје синоќа во 21:30 часот се случила сообраќајна незгода помеѓу патничко возило „Фолксваген голф“ со скопски регистарски ознаки, управувано од М.Б.(20) од Скопје и патничко возило „Мерцедес“ со скопски регистарски ознаки, управувано од Р.Ф.(40) од Скопје.

Во незгодата со тешки телесни повреди се здобил возачот М.Б. и со возило на Итна медицинска помош бил пренесен во комплексот клиники „Мајка Тереза“.

Со телесни повреди се здобил возачот Р.Ф, кој бил пренесен во Градската општа болница „Свети Наум Охридски“.

Извршен бил увид на местото на настанот.